जलपाईगढी: देशका दिग्गज कम्युनिस्ट नेता सीताराम येचुरीको ७२ वर्षको उमेरमा निधन भएको छ। उनको निधनको खबर फैलिएसँगै पार्टीका कार्यकर्ताहरूमा शोकको लहर छाएको छ। बिहीबार दिउँसो यो खबर फैलिने बित्तिकै जलपाईगढीको डीबीसी रोडमा रहेको सीपीआईएमको जिल्ला कार्यालयमा शोक छायो,  र पार्टीको झण्डा आधा झुकाइयो। श्रमिक नेता पियुष मिश्रलगायत अन्य नेता तथा समर्थकले सीताराम यचुरीलाई श्रद्धाञ्जली अर्पण गरे। केन्द्रमा पहिलो युपीए सरकार बनेपछि सीताराम यचुरीको दबावमा संसदमा भएका निर्णयले जलपाईगढी जिल्लाका जनतालाई फाइदा पुगेको उनले बताए।