नयाँ दिल्ली: विश्वको नजर अर्को महिना उज्वेकिस्तानमा हुने सांघाई सहयोग संगठनको शिखर सम्मेलनमा छ। चिनियाँ राष्ट्रपति सी जिनपिङले अर्को महिना उज्वेकिस्तानमा हुने सांघाई सहयोग संगठन (एससीओ) शिखर सम्मेलनमा भारतीय प्रधानमन्त्री नरेन्द्र मोदीसँग पनि भेट्ने सम्भावना रहेको अन्तर्राष्ट्रिय सञ्चारमाध्यमले जनाएका छन्। यस्तो अवस्थामा दुई देशबीच एलएसी विवादलगायत अन्य द्विपक्षीय मुद्दामा वार्ता हुनसक्छ। यसै क्रममा जिनपिङले आफ्ना रुसी समकक्षी भ्लादिमिर पुटिनसँग भेट्न सक्ने बताइएको छ।

यद्यपि भारत र चीनले सेप्टेम्बर १५-१६ सम्म समरकन्दमा हुने कार्यक्रममा आफ्ना नेताहरूको व्यक्तिगत सहभागिताको आधिकारिक पुष्टि गर्न बाँकी छ। यस वर्ष धेरै बहुपक्षीय र द्विपक्षीय बैठकहरूका लागि विदेश भ्रमण गरेका मोदीजस्तै सीले जनवरी २०२० देखि चीनबाट बाहिर निस्केका छैनन्। यद्यपि वाल स्ट्रिट जर्नलको शुक्रबारको रिपोर्टअनुसार सी जिनपिङले एसइओ बैठकका लागि समरकन्द जान सक्नेछन्। ताइवानलाई लिएर अमेरिकासँग बढ्दो तनावको बीचमा क्षेत्रीय सुरक्षा समूह र पुटिनसँग द्विपक्षीय वार्ता हुने अपेक्षा गरिएको छ।