लण्डन: यूएफा नेशन्स लीग फूटबल प्रतियोगिताको नयाँ सीजनमा ईंग्ल्याण्डले लगातार दोस्रो जीत हासिल गऱ्यो। यसरी जर्मनीले ड्र-मा सन्तोष मान्नु पऱ्यो। मंगलवार राजि जर्मनी र नीदरल्याण्डबीच खेलिएको ग्रुप सी-को हाई प्रोफाईल म्याच २-२-ले ड्र रह्यो। आफ्नो होम ग्राउण्डमा ४० प्रतिशत पोजेशनको साथ खेल्ने नीदरल्याण्डले शुरुमै गोल हासिल गऱ्यो। विपक्षी डिफेण्डरहरूको गल्तीको फाइदा उठाउँदै टिजानी रेण्डरले नीदरल्याण्डलाई चौथो मिनटमै बढ़त दिलाए। त्यसपछि जर्मनीले पनि बराबरी अनि बढ़त हासिल गर्न अधिक समय लगाएन। डेनिज उण्डावले ३८औं मिनटमा स्कोर १-१-को बराबरीमा पुऱ्याए। त्यसपछि जोशुआ किमिकले मध्यान्तरको ठीक अघि इञ्ज्युरी टाइमको तेस्रो मिनटमा गोल गरी जर्मनीलाई बढ़त दिलाए। जर्मनीको लगातार आक्रमणले दबाउमा रहने नीदरल्याण्डले मध्यान्तरको ठीक पछि बराबरी हासिल गऱ्यो। अनुभवी डेञ्जेल डम्फ्रिसले ५०औं मिनटमा गोल गरी नीदरल्याण्डलाई २-२-को बराबरीमा पुऱ्याए। ग्रुप सी-मा यी दुई टीमसँग २-२ वटा म्याचपछि ४-४ पोइण्ट्स रहेको छ तर गोल अन्तरको आधारमा जर्मनी शीर्ष स्थानमा रहेको छ। बोस्निया एण्ड हर्जेगोविना र हंगेरीबीच खेलिएको यस ग्रुपको अन्य एउटा म्याच गोलरहित ड्र (०-०)-मा समाप्त भयो।
यसरी ग्रुप एफ-मा ईंग्ल्याण्डले फिनल्याण्डलाई २-०-ले पराजित गऱ्यो। आफ्नो होम ग्राउण्ड वेम्बले स्टेडियममा ७९ प्रतिशत पोजेशनको साथ खेल्ने ईंग्ल्याण्डबाट दुवै गोल स्टार स्ट्राईकर ह्यारी केनले दर्ता गरे। उनले म्याचको ५७औं र ७६औं मिनटमा गोल गरे। यस ग्रुपको अन्य एउटा म्याचमा ग्रीसले आयरल्याण्डलाई २-०-ले पराजित गऱ्यो। यस अवे म्याचमा विजेता टीमबाट फोर्टिस इओनिडिसले ५०औं र क्रिस्टोस जोलिसले ८७औं मिनटमा गोल गरे। यस ग्रुपमा ईंग्ल्याण्ड र ग्रीससँग २-२ वटा म्याचपछि ६-६ पोइण्ट्स रहेको छ तर गोल अन्तरको आधारमा ग्रीस शीर्ष स्थानमा रह्यो। ग्रुप ई-मा चेक रिपब्लिकले युक्रेनलाई ३-२-ले पराजित गऱ्यो। विजेता टीमबाट पावेल सुल्चले २ गोल गरे। यस ग्रुपको अन्य एउटा म्याचमा जर्जियाले अल्बानियालाई १-०-ले पराजित गऱ्यो। ग्रुप ई-मा जर्जिया ६ पोइण्ट्सको साथ शीर्ष स्थानमा रहेको छ। ग्रुप एन-मा माल्टाले एण्डोर्रालाई १-०-ले पराजित गऱ्यो।