सिलगढी: अस्पतालमा प्रशिक्षार्थी महिला डाक्टरमाथि भएको क्रूरताको विरोधमा भाजपाको विरोध जारी छl आज पनि सिलगढीमा भाजपाले विरोध प्रदर्शन गरेको छ, जसमा सांसद राजु बिष्ट, सिलगढी नगरनिगमका विपक्षी नेता अमित जैनलगायत धेरै नेताहरूले भाग लिए। यस अवसरमा पत्रकारहरूसँग कुरा गर्दै सांसद राजु बिष्टले मुख्यमन्त्री ममता ब्यानर्जीमाथि कडा प्रहार गरे। उनले मुख्यमन्त्री ममता ब्यानर्जीमाथि आरोप लगाएl मुख्यमन्त्री राज्यकी गृहमन्त्री हुँदाहुँदै पनि राज्यमा महिला हिंसाका घटना घटिरहेको राजु बिष्टले बताए।
उनले भने, ‘आज महिलाहरु असुरक्षित महसुस गर्दैछन्। छोरी-बुहारीहरू घर छोड्न डराउँछन्। आरजी करको घटना सिङ्गो मानव जातिको लागि लज्जास्पद भएकोले आज देशभर विरोध प्रदर्शन भइरहेको छ। बंगालका १० करोड जनता सडकमा छन्, त्यसैले भाजपा जिम्मेवार पार्टीको रूपमा उनीहरूसँग उभिएको छ। न्यायको माग गर्दै आन्दोलन गरिरहेका छौँ।‘ मुख्यमन्त्रीलाई प्रहार गर्दै उनले सीबीआईले यस घटनाका आरोपी वा प्रिन्सिपललाई मात्रै नभई मुख्यमन्त्रीको भूमिकाको पनि छानबिन गर्नुपर्ने राजु बिष्टले बताए। उनले भने, ‘आखिर किन यो कुरा लुकाउने प्रयास गरियो, कसको सल्लाहमा अस्पतालको जीर्णोद्धार गरियो, पीडितका अभिभावकलाई किन झुट बोलियो। यस विषयमा मुख्यमन्त्रीको भूमिकाको छानबिन हुनुपर्छ।‘
About Author
