लिस्बन: यूएफा नेशन्स लीग फूटबल प्रतियोगितामा पोर्तुगल र डेनमार्कले लगातार दोस्रो जीत हासिल गऱ्यो। यसरी क्रोएशिया र स्पेनले पनि आ-आफ्नो म्याच जित्यो। गत संस्करणको च्याम्पियन पोर्तुगलले ग्रुप ए-को म्याचमा स्कटल्याण्डविरुद्ध २-१-ले रोमाञ्चक जीत हासिल गऱ्यो। म्याचको पहिलो हाफमा पछि रहे पनि पोर्तुगलले दोस्रो हाफमा लगातार २ गोलको साथ जीत हासिल गऱ्यो। आफ्नो होम ग्राउण्डमा ६९ प्रतिशत पोजेशनको साथ खेल्ने पोर्तुगलले शुरुमै गोल खायो। स्कट म्याकटोमिनेले सातौं मिनटमा स्कटल्याण्डलाई बढ़त दिलाए। त्यसपछि ब्रूनो फर्नाण्डेजले ५४औं मिनटमा लामो दूरीबाट गोल गरी स्कोर १-१-को बराबरीमा पुऱ्याए। अन्तमा स्टार स्ट्राईकर क्रिस्टियानो रोनाल्डोले ८८औं मिनटमा गोल गरी पोर्तुगललाई जीत दिलाए। यसै ग्रुपको अन्य एउटा म्याचमा क्रोएशियाले पोल्याण्डलाई १-०-ले पराजित गऱ्यो। आफ्नो होम ग्राउण्डमा ६१ प्रतिशत पोजेशनको साथ खेल्ने क्रोएशियाबाट दिग्गज फूटबलर लुका मोड्रिचले ५२औं मिनटमा गोल गरे। ग्रुपमा पोर्तुगल २ वटा म्याचमा ६ पोइण्ट्सको साथ शीर्ष स्थानमा रहेको छ।
यसरी ग्रुप डी-को म्याचमा स्पेनले स्विट्जरल्याण्डविरुद्ध ४-१-ले जीत हासिल गऱ्यो। यस अवे म्याचमा डिफेण्डर रोबिन ते नोरमाण्डलाई २०औं मिनटमा रेड कार्ड देखाइँदा स्पेनले रहल समयमा १० जना खेलाड़ीको साथ खेल्नु पऱ्यो तर स्विस् टीमले त्यसको फाइदा उठाउन सकेन। म्याचमा ३३ प्रतिशत पोजेशनको साथ खेल्ने विजेता टीमबाट फाबिअन रुईजले १३औं र ७७औं मिनटमा २ गोल गरे। यसबाहेक जोसेलुले चौथो र फेरान टोरेसले ८०औं मिनटमा गोल गरे। होम टीमबाट जेकी अमडोउनीले ४१औं मिनटमा गोल गरे। यसै ग्रुपको अन्य एउटा म्याचमा डेनमार्कले सर्बियालाई २-०-ले पराजित गऱ्यो। होम ग्राउण्डमा ५५ प्रतिशत पोजेशनको साथ खेल्ने डेनमार्कबाट अल्बर्ट ग्रोनबीकले ३६औं र युसुफ पोलसेनले ६१औं मिनटमा गोल गरे। ग्रुपमा डेनमार्क ६ पोइण्ट्सको साथ शीर्ष स्थानमा रहेको छ। यसरी दोस्रो स्थानमा रहने स्पेनसँग ४ पोइण्ट्स रहेको छ। ग्रुप आई-को म्याचमा स्वीडेनले एस्टोनियाविरुद्ध ३-०-ले जीत हासिल गऱ्यो। यसरी स्लोवाकियाले पनि अजरबैजानलाई २-०-ले पराजित गऱ्यो। यसरी दुवै विजेता टीमसँग ६-६ पोइण्ट्स रहे पनि गोल अन्तरको आधारमा स्वीडेन ग्रुपको शीर्ष स्थानमा रहेको छ। यसबाहेक ग्रुप के-मा बुल्गेरियाले नर्दर्न आयरल्याण्डलाई १-०-ले अनि बेलारुसले लक्जमबर्गलाई १-०-ले पराजित गऱ्यो।