सिलगढी: सिलगढीको मतिगढामा एक बालिका छात्राको दुष्कर्मपछि हत्या गरेको मामलामा अदालतले आरोपी मोहम्मद अब्बासलाई दोषी ठहर गर्दै मृत्युदण्डको सजाय सुनाएको छ। उल्लेखनीय छ, २१ अगस्त २०२३ मा मतिगढा एक बालिका छात्रालाई सुनसान ठाउँमा लगेर दुष्कर्म गरी ढुंगाले हानेर हत्या गरिएको थियो। घटना भएको राति मतिगढा पुलिस थानाले मोहम्मद अब्बासलाई पक्राउ गरेको थियो। त्यसपछि जनवरीदेखि अदालतमा मुद्दाको सुनुवाइ शुरु भयो। यस मुद्दामा २२  साक्षीहरूले गवाही दिए। न्यायाधीशले बुधबार मोहम्मद अब्बासलाई दोषी ठहर गरे। यसपछि उसको सजायको दिन शुक्रबार तोकिएको थियो। तर, हिजो सुनुवाइ भए पनि न्यायाधीशले सजायको घोषणा गरेनन्। यसपछि सजायको घोषणाका लागि शनिबार अर्थात आजको दिन तोकिएको थियो। यसै अनुसार आज न्यायाधीशले दोषी मोहम्मद अब्बासलाई मृत्युदण्डको सजाय सुनाएको छ।