२१ अगस्तः रकभेल एकाडमी (कालेबुङ)-का खेलाड़ीहरूले सीआईएससीई वेष्ट बेंगल एण्ड नर्थ ईष्ट रिजनल नेशनल स्पोर्ट्स एण्ड गेम्स २०२२-को कराते प्रतियोगितामा ४ वटा स्वर्णसहित ७ वटा पदक जिते। यसरी नै स्कूल अण्डर-१४ गर्ल्समा च्याम्पियन बन्यो। प्रतियोगिताको आयोजन गत १७ र १८ अगस्तको दिन कलकत्ताको पुरुषोत्तम भागचन्दका एकाडमिक स्कूलमा भएको थियो।
काउन्सिल फर द इण्डिया स्कूल सर्टिफिकेट इक्जामिनेशन (सीआईएससीई)-को ब्यानर मुनि आयोजित यस प्रतियोगितामा दीविज प्रधान (अण्डर-१४ बोइज, २५-३० किग्रा), हेली मेटो (अण्डर-१४ गर्ल्स, २२-२४ किग्रा), मान्जा लिंगी (अण्डर-१४ गर्ल्स, २४ किग्रा) र इन्ताया मागा (अण्डर-१४ गर्ल्स, ३४-३८ किग्रा)-ले स्वर्ण पदक जिते।
यसरी नै प्रियदर्शन थापा (अण्डर-१७ बोइज, ४५-५० किग्रा)-ले पदक जिते। काँस्य पदक जित्नेहरूमा शुभुज सुब्बा (अण्डर-१४ बोइज, ४०-४५ किग्रा) र यौगन्त मैनाली (अण्डर-१४ बोइज, ४५-५० किग्रा) सामेल छन्।
स्वर्ण पदक जित्ने चारजना खेलाड़ीलाई सीआईएससीई नेशनल स्पोर्ट्स एण्ड गेम्स २०२२-२३-को निम्ति वेष्ट बेंगल एण्ड नर्थ ईष्ट रिजनको कराते टीममा चयन गरिएको छ।
About Author
