कोलकाता: आरजी कर मेडिकल कलेज एवं अस्पतालमा एक प्रशिक्षार्थी डाक्टरको दुष्कर्म र हत्याको मुद्दा अब सर्वोच्च अदालतमा सुनुवाइ हुनेछ। मुद्दाको सुनुवाइ प्रधानन्यायाधीश डीवाई चन्द्रचुडको इजलासले गर्नेछ। यहाँ उल्लेखनीय छ,  यसअघि बिहीबार सुनुवाइ हुने भनिए पनि प्रधानन्यायाधीशको स्वास्थ्यमा समस्या देखिएपछि त्यसलाई स्थगित गरिएको थियो। जुनियर डाक्टरहरू यस बारे धेरै निराश थिए। सोमबार सर्वोच्च अदालतमा हुने सुनुवाइमा पश्चिम बंगालका जुनियर डाक्टर मात्र होइन, वरिष्ठ डाक्टरको पनि नजर रहनेछ। यहाँ उल्लेखनीय छ, बिहीबार हुने सुनुवाईमा सीबीआईले प्रतिवेदन पेश गर्नुपरेको थियो। सीबीआईको प्रतिवेदनमा के खुल्ने भन्ने चर्चा सामान्य थियो। सीबीआईले पूर्व आरजी कर अध्यक्ष सन्दीप घोष विरुद्ध पनि आर्थिक घोटालाको अनुसन्धान गरिरहेको छ। सीबीआई अदालतमा सन्दीप घोष हाजिर हुँदा अझै चार जना रडारमा रहेको सीबीआईको भनाइले जनताको जिज्ञासा बढाएको छ, अब सीबीआईले सील गरिएको प्रतिवेदनमा के भन्छ त्यो हेर्न बाँकी छ।