दार्जीलिङ: दार्जीलिङ गोर्खा हिल स्पोर्ट्स एसोसिएशन (डीजीएचएसए)-को आयोजनमा जारी तीन स्तरीय (फर्ष्ट डिवीजन, सेकेण्ड डिवीजन र प्रीमियर डिवीजन) फूटबल लीगअन्तर्गत बुधवार दावा माइला डुक्पा स्मृति सेकेण्ड डिवीजन लीगको एउटा म्याच खेलियो। लेबोंग स्थित गोर्खा स्टेडियममा युनाइटेड गिंग फूटबल क्लब र थ्री कोन फूटबल क्लबबीच खेलिएको म्याच ४-४-ले ड्र रह्यो। थ्री कोन एफसी-बाट म्याचमा बिकास थामीले पाँचौं, कुंगा वांगदी शेर्पाले २१औं, जीवन छेत्रीले ४२औं र सुरज थापाले ५१औं मिनटमा गोल गरे। यसरी युनाइटेड गिंगबाट प्रकेशित तामाङले २४औं, सागर तामाङले २९औं र प्रशान्त राईले ७०औंं मिनटमा गोल गरे। अन्य एउटा गोल आत्मघाती (जीवन छेत्री, ४८औं मिनट) रह्यो। जिग्मी दोर्जे भूटिया स्मृति फर्ष्ट डिवीजन लीग जम्मा ४ वटा टीमले हिस्सा लिएको छ। यसरी दावा माइला डुक्पा स्मृति सेकेण्ड डिवीजन लीगमा जम्मा २० वटा टीमले हिस्सा लिनेछ। यसबाहेक डीबी प्रधान/अनिता प्रधान स्मृति प्रीमियर डिवीजन लीगमा जम्मा १० वटा टीमले हिस्सा लिएको छ।