फुलबारी: आइतबार राति फुलबारीको चुनाभटी क्षेत्रमा भएको चोरीको घटनाले क्षेत्रमा सनसनी मच्चिएको छ। चोरहरूले उक्त क्षेत्रमा रहेको हार्डवेयर पसलको शटर तोडेर भित्र पस्ने प्रयास गरेको बताइएको छ तर उक्त दृश्य सिसिटिभी क्यामेरामा कैद भएको छ। त्यो प्रयास असफल भएपछि चोरहरूले पसलको छेउमा रहेका अन्य दुई ठाउँबाट चोरी गरेर भागेका थिए। चोरहरूले गाडीको चक्का र पसल नजिकै राखिएको करिब एक क्विन्टल तौलको फलामको जाली चोरेर फरार भएका छन्। फुलबारीमा लगातार चोरीका घटना भइरहेका छन्। जसका कारण यस क्षेत्रका मानिसहरु त्रासमा छन्। स्थानीय व्यापारीले चोरलाई छिट्टै पक्राउ गरी उचित कारबाही गर्न पुलिस प्रशासनसँग माग गरेका छन्। घटनाको सम्पूर्ण अनुसन्धान एनजेपी पुलिस थानाले गरिरहेको छ।