नक्सलबारी: ब्ल्याक हेडेड आइबिस चराहरूको संख्या धेरै वर्षदेखि घट्दै गएको छ। इन्टरनेशनल युनियन फर कन्जर्भेसन अफ नेचर (आइयुसिएन) ले ब्ल्याक हेडेड आइबिसलाई लोपोन्मुख प्रजातिको रुपमा घोषणा गरेको छ। वन विभागलगायत विभिन्न संघसंस्थाले यो लोपोन्मुख चराको गणना गर्न थालेका छन्। नक्सलबारी उत्तर बंगालमा ब्ल्याक हेडेड आइबिसको एक मात्र बासस्थान र प्रजनन स्थल हो। यी चराहरूले मार्चदेखि सेप्टेम्बरसम्म यहाँ बच्चा जन्माउँछन् र ती बच्चाहरूलाई हुर्काएपछि जाडोअघि अर्को ठाउँमा सर्छन्। सिलगढी हिमालयन नेचर एडभेन्चर फाउण्डेशन, पश्चिमाङ विज्ञान मञ्च र कर्सियाङ वन विभागले यो लोपोन्मुख चराको संरक्षणका लागि गणना सुरु गरेका छन्। पछिल्ला दुई वर्षमा २०० देखि २४० वटा ब्ल्याक हेड भएको आइबिस भेटिए पनि यी चराहरू लोपोन्मुख छन्। लोपोन्मुख प्रजातिको संरक्षण भए मात्रै उनीहरुलाई फिर्ता ल्याउन सकिने वातावरणविद् तथा नाफाका संयोजक अनिमेश बसुले बताए। प्रवासी चराहरूको यो समूह पहिलो पटक सन् १९९३ मा देखिएको थियो। पछि नदेखेपनि गत वर्ष यी चराहरु फेरि देखिएका थिए। विज्ञान मञ्चले उनीहरुको संख्या बढाउने काम गरिरहेको छ। वन विभागका अनुसार ब्ल्याक हेडेड आइबिसको संख्या बढाउन र उनीहरुको बासस्थान उपलब्ध गराउन वन विभागले काम गरिरहेको छ।