गान्तोक: आगामी ८-१४ सेप्टेम्बरसम्म पालन गरिने नाम्चीको सिद्धेश्वर धामको १४औं स्थापना दिवसको कार्यक्रमको तयारीलाई लिएर आज नाम्चीको सिद्धेश्वर धामको अति्थि गृहमा एक प्रारम्भिक चरणको बैठक सम्पन्न भयो। यस बैठकको अध्यक्षता मन्त्री भोजराज राईले गरेका थिए। बैठकलाई सम्बोधन गर्दै मन्त्रीले राईले आगामी दिनमा पालन गरिने १४औं स्थापना दिवसको अवसरमा विभिन्न विभागलाई दिएको भूमिका र जिम्मेवारीबारे विस्तृत जानकारी गराए। निर्बाध र सफल कार्यक्रम सुनिश्चित गर्न उनले प्रत्येक विभागलाई विशेष कार्यहरूको लागि विशेष जिम्मेवारी वितरण गरे। सम्बोधनका क्रममा मन्त्रीले सम्भावित चुनौती र समस्याहरूबारे प्रकाश पारे। उनले यी चुनौतीहरूलाई प्रभावकारी रूपमा सम्बोधन गर्न सक्रिय योजना र अन्तर-विभागीय सहकार्यको महत्त्वमा जोड दिए। मन्त्रीले कुनै पनि अवरोधलाई पार गर्न प्रतिबद्धता र टिमवर्कको आवश्यकता रहेको जानकारी गराए। यसै क्रममा अन्तक्रिया कार्यक्रममा मन्त्रीले विभागीय प्रतिनिधिहरूसँग कुनै पनि अनिश्चितताहरू स्पष्ट गर्न र टोलीहरू बीच सहयोग र समर्पणको भावनालाई बढावा दिनुपर्ने विषयमा अवगत गराए। पूजा समारोहको नेतृत्व जगत् गुरु बालसन्त मोहन शरण देवाचार्य महाराज, कथावाचक बिहारी शरण उपाध्याय र अन्य आदरणीय पुजारीहरूले गर्ने जानकारी गराए।