जलपाईगढी: भगवान कृष्णको जन्मजयन्ती अर्थात् जन्माष्टमी जलपाईगढी शहरको मध्यभागमा सन् १९३५ मा स्थापित श्री श्री लक्ष्मी नारायण मन्दिरमा हरेक वर्ष ठूलो धूमधामका साथ मनाइन्छ। पूजासँगै विभिन्न प्रदेशका चर्चित कलाकारहरुद्वारा सांस्कृतिक कार्यक्रमको आयोजना गरिएको छ। तर यसपटक आरजी कर काण्डका कारण विगतका वर्षहरुमा जस्तो भव्य रुपमा जन्माष्टमी पर्व आयोजना हुनसकेको छैन। सोमबार बिहानैदेखि मन्दिर परिसरमा भक्तजन आउन थाले पनि अन्य वर्षजस्तो जन्माष्टमीको माहोल नरहेको भन्दै मन्दिरमा पूजाआजा गर्न आएका भक्त अमित भट्टाचार्यले भने, ‘हामी यहाँका बासिन्दाहरू हौं। यहाँ जन्माष्टमीको दिन पुजा गर्न मन्दिर समिति छ।‘ कोलकाताको आरजी कार अस्पतालमा भएको घटनाका कारण राज्यभर शोक र पीडाको माहौल छ, त्यसैले समितिले यस वर्ष जन्माष्टमीलाई सरल ढंगले आयोजना गरेको छ। जलपाईगढी श्री श्री लक्ष्मीनारायण मन्दिर समितिका वर्तमान अध्यक्ष परमानन्द सिंहले अन्य वर्षमा जन्माष्टमीमा बाहिरबाट कलाकार बोलाएर आयोजना हुने सांस्कृतिक कार्यक्रम रद्द गर्ने निर्णय भएको बताए। उनले भने, ‘यसपटक खासै उत्सवको वातावरण छैन। आरजी कर अस्पतालमा निर्मम रूपमा दुष्कर्म भएकी बालिका कोलकाताकी मात्र होइन, हाम्रो घरकी केटी थिइन्। उनीसित यस्तो नहुनु पर्ने होl  यसपटक श्रीकृष्णको पूजा हुन्छ, तर ठूला सांस्कृतिक कार्यक्रम आयोजना गरिँदैनl’