सिलगढी: सिलगढी शहर र छेउछाउका क्षेत्रमा चोरीका घटना क्रमशः बढ्दै गएका छन्। केही दिनयता एनजेपी पुलिस चौकी नजिकैको इलाकामा चोरीका धेरै घटना भएका छन्। तर, उजुरीका आधारमा एनजेपी पुलिसले धेरै चोरी रोक्न सफल भएको छ। उनीहरुले चोरीका सामान सहित कैयौंलाई पक्राउ समेत गरेका छन्। अहिले पनि एकपछि अर्को चोरीका घटना भइरहेका छन्। अघिल्लो दिन अर्थात आइतबार राति एनजेपी क्षेत्रको बिस्कुट गोदामबाट कैयौं कार्टुन बिस्कुट चोरी भएको थियो। सोमबार बिहान चोरीको उजुरी पाएपछि सादा पोशाकका पुलिस चौकीले अनुसन्धान थालेको थियो। यस चोरी मुद्दामा मुन्ना मजुमदार, एमडी सरताज र विभिषण पासवानलाई एनजेपी पुलिस स्टेशनले पक्राउ गरेको छ उनीहरूसँग सोधपुछ गर्दा एनजेपीको माइकल क्षेत्रको खाली क्वार्टरबाट चोरीको बिस्कुटको कार्टुन बरामद भएको थियो। पक्राउ परेकाहरूलाई मंगलबार जलपाईगढी अदालतमा पेश गरियो।