गान्तोक: सिक्किममा पशुसखीहरुको सशक्तिकरणको लागि ए-हेल्फ प्रशिक्षणको समापन गरिएको छ। भारत सरकारको मत्स्यपालन, पशुपालन तथा दुग्ध उत्पादन मन्त्रालयको सहयोगमा प्रशिक्षण शुरु गरिएको हो। जसमा पशुसखीहरुलाई १६ दिने ए-हेल्फ प्रशिक्षणको व्यवस्था गरिएको छ। यसको आयोजन राज्य सरकारको पशुपालन विभागले सोकेथाङ प्रशिक्षण केन्द्रमा सञ्चालन गरेको छ। ए-हेल्पको माध्यमबाट पशु चिकित्सा अधिकारीहरू र पशुपालन कृषकहरूबीच समन्वय गर्नमा मदत मिल्ने आशा गरिएको छ। सिक्किम ग्रामीण आजीविका मिशनबाट पच्चीस पशुसखीहरूले पशु ह्यान्डलिङ, आवास र रासन सन्तुलनमा अभिमुखीकरण सत्रहरूमार्फत जानकारी लिइरहेका छन्। प्रशिक्षणको क्रममा मामरिङको गौशाला, सियारी बाख्रा फार्म र सिक्किम मिल्क यूनियनको भ्रमण पनि गराएका थिए। प्रशिक्षणको समापन कार्यक्रममा प्रोजेक्ट डाइरेक्टर डा. शरमान राई, पशुपालन विभागीय सचिव डा. आनन्द थापा अनि गुजरातबाट आएका पशुपालन विभागका प्रतिनिधिहरु पनि उपस्थित थिए।