अगरतला: स्वतन्त्रता दिवसको अवसरमा त्रिपुराका मुख्यमन्त्री माणिक साहले बिहीबार अगरतला त्रिपुरास्थित आफ्नो निवासमा राष्ट्रिय झण्डा फहराए। मुख्यमन्त्री माणिक शाहले देशको स्वतन्त्रताका लागि आफ्नो जीवन आहुति दिने स्वतन्त्रता सेनानीहरुको सम्झना गरे। मुख्यमन्त्री शाहले भने, ‘हामीले प्रदेशका घर–घरमा तिरंगा फहराउने अभियान मनायौंl देशको स्वतन्त्रता र स्वाधीनताका लागि आफ्नो जीवन बलिदान दिने सबैलाई सम्झन्छौं र सम्मान गर्छौं।‘ मुख्यमन्त्रीले उत्कृष्ट सेवाका लागि राष्ट्रपति पदक प्राप्त गर्ने त्रिपुरा पुलिस  र होमगार्डका जवानहरूलाई पनि बधाई दिए। उनले फेसबुक पोस्ट गर्दै कार्यकर्तालाई बधाई दिएका हुन्। त्रिपुराका पुलिस उपरीक्षक कमलकृष्ण अलै, सुभेदार क्षीरोद देबवर्मा, हवलदार निहार देबवर्मा, हवल्दार सुजन कान्ति चौधरी, नायक निर्मल दास, हवल्दार जयन्ती चक्रवर्ती र होमगार्ड नव कुमार सरकारले उत्कृष्ट सेवाका लागि राष्ट्रपति पदक प्राप्त गरेका छन्। आफ्नो सन्देशमा त्रिपुराका मुख्यमन्त्रीले भनेका छन्, ‘हामीले अनगिन्ती देशभक्तहरूको निस्वार्थ बलिदान र योगदानबाट स्वतन्त्रता पाएका छौं, जब भारत प्रगति र समृद्धिको लागि विश्व मञ्चमा चम्किलो ज्योति बनेको छ, आज हामी स्वतन्त्रताको गौरवशाली ७८औं वर्ष मनाउँदैछौं।‘ असम राइफल्स ग्राउन्डमा आयोजित राज्यस्तरीय स्वतन्त्रता दिवस समारोह, राष्ट्रिय झण्डा फहराई, सबै बहादुर स्वतन्त्रता सेनानीहरूलाई श्रद्धाञ्जली अर्पण गरियो र सुन्दर परेडको निरीक्षण गरियो। स्वतन्त्रता दिवसको अवसरमा आगरतलाको असम राइफल्स मैदानमा सांस्कृतिक कार्यक्रम पनि आयोजना गरिएको थियो।