कोलकाता: पश्चिम बंगालका राज्यपाल सी भी आनन्द बोसले बिहीबार आरजी कर मेडिकल कलेज एवं अस्पतालको आपतकालीन विभागको भ्रमण गरेl जहाँ एक महिला प्रशिक्षार्थी डाक्टरको हत्याको बारेमा डाक्टर र विद्यार्थीहरूले विरोध गरिरहेका थिए। विद्यार्थीलाई सम्बोधन गर्दै उनले भने, ‘तपाईहरूले न्याय पाउनु हुनेछ, म यहाँ व्यक्तिगत रूपमा तपाइँहरूको कुरा सुन्न आएको हुँ। म तपाइँहरूको साथमा छु, हामी लड्नेछौँ, जित्नेछौँ।‘ उनले भने, ‘हामी राज्यका हाम्रा दिदीबहिनीहरूमाथि यी घिनलाग्दो कार्यहरू हुन दिँदैनौं। हामी सबै तपाईंहरूको साथमा छौं। हामी यो जताततै लड्नेछौं।‘ यस मामिलामा छिटो कारबाही गर्ने आश्वासन दिँदै उनले भने, ‘हामीसँगै काम गर्नेछौं, म तपाईंहरूको सेवामा आफूलाई समर्पित गर्नेछु, यो बंगालको समाजलाई एउटा यस्तो समाज बनाउनु पर्छ जहाँ महिलाहरू खुसीसाथ बाँच्न सक्छन्।‘ मेडिकल कलेज क्याम्पसमा तोडफोड गर्ने भीडले गरेको कारबाहीबारे विद्यार्थीले सोध्दा उनले भने, ‘मलाई पुलिसमा गएर अवस्थाबारे जानकारी लिन दिनुहोस्, म तपाईंहरुसँग छलफल गरेर तपाईंको राय लिन्छु, त्यसपछि मात्रै निर्णय गर्छौं।‘