सिलगढी: केही समयदेखि बागडोग्राका विभिन्न क्षेत्रबाट फोन चोरी र हराएको खबर आइरहेको छ। बागडोगरा थानाको सादा पोसाकका पुलिसले घटनाको अनुसन्धान गर्दा धेरै मोबाइल बरामद गरेको छ। पछिल्ला केही दिनमा पुलिसले चोरीका र हराएका कुल २० वटा मोबाइल बरामद गरेको थियो भने शनिबार मोबाइलका धनीलाई बोलाएर बुझाएको थियो। सबैले आ-आफ्नो मोबाइल फोन लिएर बागडोग्रा थानाको पुलिस प्रशासनलाई धन्यवाद दिए। सबैले मोबाइल पाउने आशा छाडेको बताएl तर बागडोग्रा पुलिसको सक्रियताका कारण फेरि यो मोबाइल पाएकोमा उनीहरु निकै खुशी छन्। यसका लागि उनले पुलिसलाई बारम्बार धन्यवाद दिए।