जलपाईगढी: एकातिर भारी वर्षाका कारण धेरै क्षेत्रमा बाढीको अवस्था सिर्जना भएको छ भने अर्कोतर्फ जलपाईगढीका बासिन्दाले खानेपानीको माग गर्दै सडक अवरुद्ध गरेका छन्। जलपाईगढी नगरपालिकाको वार्ड नम्बर २५ को परेश मित्र कोलोनीका बासिन्दाले खानेपानीको माग गर्दै सडक अवरुद्ध गरे। उक्त सडक अवरुद्धमा सो क्षेत्रका गृहिणीहरुको पनि सहभागिता रहेको थियो। अर्कोतर्फ सडक जामका कारण विद्यालय, कलेज कार्यालय जाने यात्रुलाई निकै समस्या भयो। यसै सन्दर्भमा सडक अवरुद्ध गर्ने नगरपालिकाकी नागरिक ममता झाले अझै कति दिन खानेपानी किन्ने भन्ने आक्रोश व्यक्त गर्दै नगरपालिकाका जनप्रतिनिधिले बारम्बार जनताको खानेपानीको समस्या समाधान गर्न नसकेको बताए।