जलपाईगढी: वर्तमान पुस्तालाई सचेत बनाउन र युवा पुस्तालाई लागुऔषध मुक्त बनाउन जलपाईगढी जिल्ला प्रशासन र जलपाईगढी कोतवाली पुलिसद्वारा आज शहरमा एक सचेतना र्‍याली निकालियो। यस अभियानमा जलपाई ढी सदर डिभिजनल गभर्नर तमोजित चक्रवर्ती, जलपाई गढी नगरपालिकाका अध्यक्ष, उपाध्यक्ष, विभिन्न वार्डका काउन्सिलरहरू र विभिन्न विद्यालयका विद्यार्थीहरूको ठूलो संख्यामा पनि सहभागी थिए। लागुऔषध विरोधी र्‍याली आज शहरका विभिन्न परिक्रमा गरी लागुऔषध सेवन नगर्न सबैलाई अनुरोध गरियो। जलपाईगढी सदर डिभिजन शासक तमोजित चक्रवर्तीले लागुऔषध दुव्र्यसनको असरबारे हामी सबै सचेत छौं, त्यसैले युवाहरूलाई लागु पदार्थबाट टाढा रहन सन्देश दिन यो लागुऔषध विरोधी र्‍याली निकालिएको बताए।

जलपाईगढी नगरपालिकाका अध्यक्ष पपिया पालले आगामी पुस्तालाई लागुऔषध मुक्त बनाउन यो अभियान रहेको बताइन्। ‘अहिले युवा पुस्ता लागुऔषध दुर्व्यसनको शिकार भई जीवन बर्बाद गरिरहेका छन्  विशेषगरी युवाहरु लागुऔषधको लतमा फसेका छन् र उनीहरुको सम्पूर्ण जीवन बर्बाद भइरहेको छ  हामी सबैको उद्देश्य यो युवा पुस्तालाई लागु पदार्थको लतबाट मुक्त गराउनु हो। यसका साथै अभिभावकले आफ्ना छोराछोरीलाई लागुऔषध सेवन नगर्ने कुरामा पनि ध्यान दिनुपर्छ। अभिभावक र सबै सचेत भए बालबालिकालाई लागुऔषधबाट बचाउन सकिन्छ। युवालाई लागुऔषध मुक्त बनाउने यस र्‍यालीको उदेश्य रहेको छ’, उनले भनिन्।