पेरिस: भारतीय पहलवान विनेश फोगाटले पेरिस ओलम्पिकमा महिलाहरूकी ५० किग्रा वर्गको कुश्तीको क्वार्टर फाइनलमा युक्रेनकी ओसाना लिवाचलाई पराजित गरी सेमिफाइनलमा प्रवेश गरिन्। शुरुवाती चरणमा शीर्ष वरीयता प्राप्त जापानकी युई सुसाकीलाई ३-२-ले पराजित गरी ठूलो उलटफेर गर्ने विनेशले आठौं वरीयता प्राप्त पहलवानलाई क्वार्टर फाइनलमा ७-५-ले पराजित गरिन्। उनले सेमिफाइनलमा क्यूबाकी युस्नेलिस गुजम्यान लोपेजको चुनौती स्वीकार्नेछिन्। ओसानाविरुद्ध शुरुवातमा २-०-को बढ़त हासिल गरेपछि विनेशले दोस्रो पीरियडमा पनि असल शुरुवात गर्दै ४-०-को बढ़त हासिल गरिन्। त्यसपछि ओसानाले पनि पोइण्ट्स हासिल गरी खेलमा फर्किने प्रयास गरिन् अनि विनेशको बढ़तलाई दुई पोइण्ट्स (५-३)-मा सीमित गरिन्। यसबीच विनेशले आफ्ना प्रशिक्षकलाई च्यालेञ्ज लिनु भनिन् । भीडियो रिप्ले हेरेपछि रेफरीले च्यालेञ्जलाई खारेज गरे अनि विनेशले अझ एक पोइण्ट गुमाउनु पऱ्यो। संक्षिप्त ब्रेकपछि विनेशले युक्रेनकी पहलवानलाई म्याटबाट बाहिर ठेलेर २ पोइण्ट्स हासिल गरी आफ्नो बढ़तलाई ७-४ पुऱ्याइन्। त्यसपछि ओसानाले एक पोइण्ट हासिल गरे पनि परिणाम भारतीय पहलवानको पक्षमा रह्यो। यसअघि विनेशले ४ पल्टकी विश्व च्याम्पियन तथा टोक्यो ओलम्पिकमा स्वर्ण पदक विजेता जापानकी सुसाकीलाई पराजित गरिन्। जापानकी पहलवानको अन्तर्राष्ट्रिय कुश्तीमा यो पहिलो हार हो अनि यसले पनि विनेशको सफलतालाई अझ खास बनायो।