नयाँ दिल्ली: बंगलादेशबाट भागेकी पूर्व प्रधानमन्त्री शेख हसिनाले तत्कालका लागि भारतमै बस्ने इच्छा व्यक्त गरेको स्रोतलाई उद्धृत गर्दै समाचार आइरहेको छ। भारत सरकारले शेख हसिनालाई आफ्नो भावी योजना सार्वजनिक नगर्न आग्रह गरेको छ। सञ्चारमाध्यमको समाचार अनुसार शेख हसिना इङ्गल्याण्ड जान चाहन्छिन्, तर कागजी प्रक्रिया अझै पूरा भएको छैन। तर, भारतले शेख हसिना भारतमा लामो समय बस्न नसक्ने स्पष्ट पारेको छ। राष्ट्रिय सुरक्षा सल्लाहकार अजित डोभालले सोमबार गाजियाबादको हिन्डन एयरपोर्टमा शेख हसिनालाई भेटेर भारत सरकारको अडान राखेका थिए। स्रोतका अनुसार मोदी सरकारले शेख हसिनालाई आफ्नो भविष्य आफैं तय गर्न आग्रह गरेको छ। शेख हसिना भारतमा बस्न इच्छुक भए पनि सरकारले अनिश्चितकालसम्म यहाँ बस्न नसक्ने स्पष्ट पारेको छ। शेख हसिना अहिले भारतीय गुप्तचर विभागको निगरानीमा छिन्। सञ्चारमाध्यमको समाचार अनुसार    एक स्रोतले खुलासा गरेको छ, ‘शेख हसिनाले प्रधानमन्त्री मोदीसँग भेट्न खोजेकी छिन्, तर अन्तर्राष्ट्रिय स्तरमा यसको प्रभावलाई हेर्दा अहिले अलि गाह्रो देखिन्छ।‘