बंगलादेशमा हिंसात्मक प्रदर्शन नियन्त्रण बाहिर गएको छ। प्रदर्शनकारीहरु ढाकास्थित प्रधानमन्त्री निवासमा प्रवेश गरेका छन्। यसैबीच, प्रधानमन्त्री शेख हसिनाले ढाका छोडेकी छिन्। शेख हसिनाले पनि प्रधानमन्त्री पदबाट राजीनामा दिएकी छिन्। उनी भारतमा शरण लिने बताइएको छ। विद्यार्थी प्रदर्शनबाट शुरु भएको आन्दोलन कसरी यति बढ्यो कि शेख हसिनाले बंगलादेश छोड्नुपर्‍यो? बंगलादेशमा सरकारी नोकरीमा आरक्षणलाई लिएर विद्यार्थीहरुले विरोध प्रदर्शन गरेका थिए। यो प्रदर्शन केही बेरमै हिंसात्मक बन्यो। स्वतन्त्रता सेनानीका सन्तानलाई दिइने ३० प्रतिशत आरक्षणलाई लिएर विवाद छ। योग्यताका आधारमा सरकारी नोकरी नदिइएको विद्यार्थीको गुनासो छ। सरकार आफ्ना समर्थकलाई आरक्षण दिने पक्षमा छ। आरक्षणलाई लिएर बंगलादेशमा शुरु भएको विद्यार्थी आन्दोलनमा विपक्षी दलहरू पनि अग्रपंक्तिमा आएका छन्। विपक्षीले शेख हसिना सरकारविरुद्ध व्यापक विरोध प्रदर्शन गरेका छन्। खालिदा जियाको नेतृत्वमा विपक्षी पार्टी बंगलादेश नेसनलिस्ट पार्टीले लाखौंको भीड जम्मा गरी शेख हसिनाको कुर्सी हल्लायो। विपक्षीहरुले हसिनाको राजीनामा माग गरेका छन्। सरकार पनि विरोधको सामना गर्न असफल भयो।

बंगलादेशमा जारी आन्दोलनमा सेनाले पनि सरकारलाई समर्थन गर्न अस्वीकार गरेको छ। हिंसात्मक प्रदर्शनमा ९० जनाको ज्यान गएको छ। यसपछि बंगलादेशी सेनाले अब प्रदर्शनकारीमाथि गोलाबारी नगर्ने बताएको छ। सेनाको मुख्यालयमा बंगलादेशका सेना प्रमुखले अवस्थाबारे छलफल गर्दै अब प्रदर्शनकारीमाथि एउटा गोली पनि नचल्ने घोषणा गरे। यो भनाइपछि सेनाले आन्दोलनकारीप्रति नरम कुर्सी देखाएको छ। बंगलादेशमा हिंसा भड्काउनमा पाकिस्तानको पनि हात रहेको छ। बंगलादेशको नागरिक समाजले पाकिस्तान उच्चायोगलाई कट्टरपन्थी विद्यार्थी प्रदर्शनकारीहरूलाई समर्थन गरेको आरोप लगाएको छ। पाकिस्तानले विद्यार्थीलाई समर्थन गरेर बंगलादेशको आन्तरिक मामिलामा हस्तक्षेप गरिरहेको छ। केही रिपोर्टहरूले खुलासा गरेको छ कि पाकिस्तान बंगलादेशमा प्रतिबन्धित ‘मिशन पाकिस्तान’ जमात समर्थक विद्यार्थी प्रदर्शनकारीहरूको एक भागसँग सम्पर्कमा छ। बंगलादेशको आर्थिक अवस्था पहिले नै नाजुक थियो, तर यो आन्दोलनले यसलाई थप धक्का दिएको छ। त्यहाँ बेरोजगारी तीब्र गतिमा बढिरहेको छ। बंगलादेशमा शेख हसिना लामो समयदेखि सत्तामा छिन्। भर्खरै उनी बंगलादेशको प्रधानमन्त्री बनेपछि बेरोजगार विद्यार्थीमा आक्रोश बढेको छ। विद्यार्थीहरु सडकमा उत्रिएर आन्दोलन गर्न थाले।