जलढाका: जलढाका स्पोर्ट्स एसोसिएशनको आयोजनमा जारी ७८औं इण्डिपेण्डेन्स डे नक्आउट फूटबल टुर्नामेण्टमा ब्रदर्स इलेभेन, कालचिनीले क्वार्टर फाइनलमा स्थान बनायो। झोलुंग खेल मैदानमा मंगलवार खेलिएको म्याचमा ब्रदर्स इलेभेन, कालचिनीले कटरे इलेभेनलाई ६-१-ले पराजित गऱ्यो। विजेता टीमबाट प्रथम र श्यामलले २-२ गोल गरे। विजेता टीमका प्रथमलाई प्लेयर अव् द म्याच चयन गरियो। बुधवार खेलिने म्याचमा युनाइटेड बीरपाड़ा सी.सी. र डाकबंग्लो फूटबल क्लबबीच भिड़न्त हुनेछ। यस टुर्नामेण्टमा जम्मा १६ वटा टीमले हिस्सा लिएको छ। टुर्नामेण्टको दुईवटा सेमिफाइनल क्रमशः १० र १२ अगस्तमा हुनेछ। यसरी नै फाइनल १६ अगस्तमा खेलिनेछ। यस नाइन ए साइड टुर्नामेण्टमा च्याम्पियन हुने टीमलाई आकर्षक ट्रफीको साथमा ३० हजार रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई आकर्षक ट्रफीको साथमा २० हजार रुपियाँको नगद पुरस्कार प्रदान गरिनेछ। म्याचहरू दिउँसो ३ बजीदेखि शुरु हुने आयोजक समितिको पक्षमा रतन लामाले जानकारी दिएको छ।