सिलगढी: उत्तर बङ्गाल डेकोरेटर्स एसोसिएसनले एकदिवसीय डे नाइट नकआउट फुटबल प्रतियोगिता आयोजना गरेको छ। प्रतियोगिता सिलगढीको एकातियाशाल तिलेश्वरी अफिसर्स स्कूल क्याम्पसमा आयोजना गरिएको हो। आइतबार सिलगढीका मेयर गौतम देवले यस प्रतियोगिताको उद्घाटन गरे। प्रतियोगितामा १६ टोलीको सहभागिता रहेको बताइएको छ। यस सम्बन्धमा उत्तर बङ्गाल डेकोरेटर्स एसोसिएसनका महासचिव गोपाल सरकारले १९ वर्षदेखि यो खेल आयोजना गर्दै आएको बताए। विगत केही वर्षदेखि तिलेश्वरी स्कुलको मैदानमा यो प्रतियोगिता आयोजना हुँदै आएको छ। व्यवसायसँगै समाजप्रति पनि हाम्रो दायित्व छ। त्यसैले हामीले प्रतियोगिता आयोजना गर्दै आएका छौं। प्रतियोगितामा सुधीर चन्द्रदास स्मृति विजेता पुरस्कार ५० हजार, स्वपन दास स्मृति उपविजेता पुरस्कार ३० हजार र गीता रानी दास फेयर प्ले ट्रफी ५ हजार रहेको उनले बताए।