पेरिस: शूटर मनु भाकरले आइतवार पेरिस ओलम्पिकमा काँस्य पदक जितेर इतिहास रचिन्। हरियाणाकी २२ वर्षीय यस शूटरले चेटरौक्स शूटिंग सेण्टरमा महिलाहरूकी १० मीटर एयर पिस्टल फाइनलमा तेस्रो स्थान हासिल गर्नको साथै यी खेलहरूमा पदक जित्ने पहिलो भारतीय महिला शूटर बनेर इतिहास रचिन्। टोक्योमा निराशाजनक प्रदर्शनको ३ सालपछि भारतकी यस अनुभवी शूटरले आफ्नो सपना पूरा गरिन्। उनले आज फाइनलमा असाधारण पुनरागमन गर्दै काँस्य पदक झोलीमा हालिन्। महिलाहरूकी १० मीटर एयर पिस्टल स्पर्धामा स्वर्ण र रजत पदक दक्षिण कोरियाकी दुईजना शूटरले जितिन्। ओह ये जिनले २४३.२-को स्कोरसहित स्वर्ण र किम येजीले २४१.३-को स्कोरसहित रजत पदक जितिन्। यसअघि क्वालीफिकेशन राउण्डमा पनि मनु तेस्रो स्थानमा रहेकी थिइन्। यसको साथै उनले शूटिंगमा भारतको पदकको १२ सालको खड़ेरीलाई पनि समाप्त गरिन्। यसअघि २०१२-को लण्डन ओलम्पिकमा गगन नारंग र विजय कुमारले शूटिंगमा पदक जितेका थिए। यो शूटिंगमा भारतको पाँचौं पदक हो। यसअघि चारवटा पदक पुरुष शूटरहरूले जितेका थिए। आज काँस्य पदक जित्नको साथै मनु दिग्गज शूटर राज्यवर्धन सिंह राठौड़, अभिनव बिन्द्रा, गगन नारंग र विजय कुमारको क्लबमा सामेल भइन्। उल्लेखनीय छ, मनुले अहिलेसम्म ५० भन्दा अधिक अन्तर्राष्ट्रिय र ७० भन्दा अधिक राष्ट्रिय पदक जितिसकेकी छन्। उनले २०२३-को एशियन गेम्समा स्वर्ण पदक जितेकी थिइन्।