जलपाईगढी: पहाडमा परेको वर्षाका कारण टिस्टा नदीमा पानीको सतह अचानक बढेको छ। खोलाको पानी बस्तीमा पस्न थालेको छ भने धेरै ठाउँमा बाली पनि नष्ट भएको छ। यसैबीच, केही दिनदेखि पहाडी क्षेत्रमा परेको अविरल वर्षाका कारण नदीमा पानीको बहाव अस्वाभाविक रूपमा बढेको छ। जसका कारण टिष्टा ब्यारेज क्षेत्रको राजाडाङ्गा, चाङ्मारी ग्राम पञ्चायत क्षेत्रका जनताको चिन्ता बढेको छ। टिस्टा नदीको गजोल्डोबा बाँधमा भाँचिएर खोलाको पानी बस्ती क्षेत्रमा पसेको छ। बाँध भत्किएपछि ठूलो क्षेत्रका खेतबारीमा पानी पसेको छ भने बाली डुबानमा परेको छ। बाँधमा पानीको ठूलो चाप छ।

यस बाँधमा ठूलो क्षति पुगे चाङ्मारी, राजाडाङ्गा, चापाडाङ्गा ग्राम पञ्चायत क्षेत्रमा जुनसुकै बेला ठूलो दुर्घटना हुनसक्ने स्थानीयवासीको गुनासो छ। ग्राम पञ्चायतका पूर्व प्रमुख अनुकुल विश्वासले पनि अहिले धेरै ठाउँमा जमिन पानीमा डुबेको भन्दै सिँचाइ विभागका अधिकारीहरुले तुरुन्त हस्तक्षेप गर्नुपर्ने बताउनुभयो घटनास्थल पुगेर घटनाको अनुगमन गरिरहेका छन्। तर, चाङ्मारी राजाडाङ्गा र चापाडाङ्गा सिँचाइ बाँध नजिकका मानिसहरु त्रासमा छन्। अर्कोतर्फ, केन्द्रीय मौसम विभागले शनिबारदेखि सोमबारसम्म दार्जीलिङ, कालेबुङ, जलपाईगढीमा भारी वर्षाको सम्भावना रहेको जानकारी दिएको छ। जसका कारण टिस्टा किनारका क्षेत्रमा संकटको बादल छाएको छ।