सिलगढी: दिउँसो केही खाली घरहरूमा चोरीले इलाकामा सनसनी मच्चाएको छ। शुक्रबार दिउँसो फुलबारी नम्बर २ ग्राम पञ्चायतको जयनगर कोलोनी र ढकिया बस्ती क्षेत्रमा चोरीको घटना भएको हो। यी दुई क्षेत्रका चार घरमा चोरी भएको बताइएको छ। गंगा सरकार नामकी एक महिलाले भनिन्, ‘आज बिहान मेरो श्रीमान् र म छोरालाई विद्यालय पठाएपछि काममा गएका थियौं। घरमा कोही थिएन। दिउँसो कामबाट घर आउँदा घरमा रहेका सामान फोहोर अवस्थामा रहेको देखेँ र घरमा राखिएका सुनका सामानसहित लाखौँ रुपियाँ नगद र मोबाइल चोरी भएको देखेँ।‘ यस विषयमा पुलिसलाई जानकारी गराइएको छ। खबर पाएलगत्तै नयाँ जलपाईगढी थानाको पुलिस घटनास्थल पुग्यो। पुलिसले सम्पूर्ण घटनाको अनुसन्धान शुरु गरेको छ।