सिलगढी: कक्षा ७ का विद्यार्थीको झुण्डिएको लाश भेटिएपछि सिलगढीमा हलचल मच्चिएको छ। घटना सिलगढी नगरपालिकाको वार्ड नम्बर ३६ घोगोमालीस्थित निरञ्जननगर कालोनीमा भएको हो। मृतकको नाम स्वीटी दास हो ।प्राप्त जानकारी अनुसार मृतक सिलगढी घोगोमाली हाईस्कुलका विद्यार्थी थिए। हिजो स्वीटी स्कुल नगएर छिमेकी साथीसँग घुम्न गएकी थिइन्। जसका लागि उनकी साथीकी आमाले स्वीटीलाई गाली गरेकी थिइन्। बुधबार दिउँसो परिवारका सदस्यले छात्राको झुण्डिएको लाश फेला पारेका थिए। त्यसपछि उनलाई तुरुन्तै सिलगढी अस्पताल लगिएको थियो, जहाँ डाक्टरहरूले उनलाई मृत घोषित गरेका थिए। खबर पाएलगत्तै आशीघर थानाका पुलिस घटनास्थलमा पुगेको थियो। पुलिसले घटनाको अनुसन्धान सुरु गरेको छ।