सिलगढी: सिलगढी नगरनिगमको प्रधाननगर थानाको पुलिसले लुटपाटको योजना विफल पार्दै पाँच संदिग्धलाई पक्राउ गरेको छ। गोप्य स्रोतबाट प्राप्त जानकारीको आधारमा दक्षिण समर नगरको शिमुलगुरी शिशु शिक्षा केन्द्र नजिकैको इलाकाबाट ५ जना अपमानितलाई पक्राउ गरिएको हो।

प्रधान नगर थानाको पुलिस सूत्रका अनुसार यी पाँच जनाले सिलगढी शहरको समर नगर क्षेत्रमा लुटपाट गर्ने योजना बनाएका थिए। गएराति गोप्य स्रोतबाट प्राप्त सूचनाका आधारमा पुलिसले ५ अपराधीलाई पक्राउ गरेको छ भने उनीहरुको साथबाट लुटपाटका लागि ल्याइएको हतियार समेत बरामद भएको छ। पक्राउ पर्नेमा सुकुमार दास, मंगल महन्त, सुरज छेत्री, मोहम्मद बुद्ध र मोहम्मद शफिकुल अलि रहेका छन्। पक्राउ पर्नेमा सुकुमार दास अलिपुरद्वारका, मंगल महन्त बनारहटका र बाँकी सिलगढीका बासिन्दा हुन्। पक्राउ परेका पाँचै अपराधीलाई बुधबार सिलगढी अदालतमा पेश गरियो।