नटिंघम: वेष्ट इण्डिजविरुद्ध ३ वटा टेस्ट म्याचको सीरीजको अवधि आइतवार समाप्त भएको दोस्रो टेस्ट म्याचमा ईंग्ल्याण्डका पूर्व कप्तान जो रुटले उत्कृष्ट प्रदर्शन गरे। उनले टेस्ट म्याचको चौथो दिन आफ्नो ३२औं शतक बनाए। यसको साथै उनले टेस्ट क्रिकेटमा सर्वाधिक शतक बनाउनेहरूका सूचीमा केन विलियम्ससहित तीन दिग्गजहरूका बराबरी गरे। अब उनको नजर महान ब्याटर ब्रायन लाराको रेकर्डमाथि रहनेछ। नटिंघमको ट्रेण्ट ब्रीजमा खेलिएको दोस्रो टेस्ट म्याचको चौथो दिन ईंग्ल्याण्डको तर्फहाट दोस्रो सर्वाधिक शतक बनाउने ब्याटर रुटले आफ्नो करियरको ३२औं शतक बनाए। उनले १७८ बलमा १२२ रन बनाए। यस अवधि उनले १० वटा चौका लगाए। यसरी ३३ वर्षीय रुट अहिले ईंग्ल्याण्डको तर्फबाट टेस्ट क्रिकेटमा सर्वाधिक शतक बनाउने एलिस्टर कुक (३३ वटा टेस्ट शतक)-को बराबरी गर्नदेखि केवल एक शतक टाढ़ा रहेका छन्।
टेस्ट क्रिकेटमा रुटको नाममा अहिले ३२ वटा शतक रहेको छ। यसरी उनले न्यूजील्याण्डका केन विलियम्सन, अष्ट्रेलियाका स्टीव स्मिथ र स्टीव वा-को बराबरी गरे। यी सबैले ३२-३२ वटा टेस्ट शतक बनाएका छन्। अब सीरीजको तेस्रो टेस्टमा रुटको नजर लाराको रेकर्डमाथि रहनेछ। लाराले आफ्नो टेस्ट करियरमा ११९५३ रन बनाएका थिए अनि रुटलेले ११९४० रन बनाइसकेका छन्। यसरी उनीसँग लाराको रेकर्डलाई तोड़्ने सुनौलो मौका रहनेछ। उल्लेखनीय छ, रुटले आफ्नो करियरको ३१औं टेस्ट शतक भारत यात्रामा बनाएका थिए। राँचीमा खेलिएको चौथो टेस्ट म्याचको पहिलो ईनिंग्समा उनले १२२ रन बनाएका थिए।

यसरी ईंग्ल्याण्डले दोस्रो टेस्ट म्याचमा वेष्ट इण्डिजलाई २४१ रनले पराजित गरी ३ वटा म्याचको सीरीजमा २-०-को अजेय बढ़त हासिल गऱ्यो। म्याचको चौथो दिन ३८५ रनको लक्ष्यलाई अघि राखेर खेल्ने वेष्ट इण्डिजको दोस्रो ईनिंग्स केवल १४३ रनमा समेटियो। म्याचमा ईंग्ल्याण्डले आफ्नो पहिलो ईनिंग्समा ४१६ रन बनाएको थियो। त्यसपछि वेष्ट इण्डिजले ४५७ रन बनाएर पहिलो ईनिंग्सको आधारमा ४१ रनको बढ़त पनि हासिल गरेको थियो। ईंग्ल्याण्डले जो रुट (१२२) र हेरी ब्रूक (१०९)-को शतकको सहायताले आफ्नो दोस्रो ईनिंग्समा ४२५ रन बनाउँदा वेष्ट इण्डिजलाई ३८५ रनको लक्ष्य हासिल भएको थियो। वेष्ट इण्डिजका ब्याटरहरूले आफ्नो दोस्रो ईनिंग्समा पहिलो ईनिंग्सको ठीक उल्टा प्रदर्शन गरे। यसैकारण ईंग्ल्याण्डलाई म्याच जित्न असुविधा भएन। ईंग्ल्याण्डका ओली पोपलाई प्लेयर अव् द म्याच चयन गरियो, जसले पहिलो ईनिंग्समा १२१ र दोस्रो ईनिंग्समा ५१ रन बनाएका थिए।