मुम्बई: एसियाका सबैभन्दा धनी व्यापारी मुकेश अम्बानीका कान्छो छोरा अनन्त अम्बानीले अब राधिका मर्चेन्टसँग विवाह गरेका छन्। उनीहरु दुवैले १२ जुलाईमा मुम्बईमा निकै धमाधम विवाह गरेका थिए। यो विवाह भव्य बनाउन करोडौं रुपियाँ खर्च भएको थियो। अब अनन्तले आफ्ना साथीहरूलाई दिएको रिटर्न गिफ्टको तस्वीर पनि सार्वजनिक भएको छ। अनन्त अम्बानीले आफ्ना विशेष साथीहरुलाई २ लाख मात्र होइन २ करोड रुपियाँको बहुमूल्य उपहार दिएका छन् भन्ने थाहा पाउँदा चकित पर्नु स्वाभाविक हो। अनन्तले शाहरुख खान, सलमान र रणवीर सिंह लगायत २५ जना साथीहरुलाई रिटर्न गिफ्टको रुपमा १८ क्यारेटको सुनको घडी दिएका छन् जसको मूल्य करिब २ करोड रहेको छ। अनन्त र राधिकाको विवाहका धेरै तस्वीरहरू अहिले सामाजिक सञ्जालमा भाइरल भइरहेका छन्, जसमध्ये एउटामा दुलहाको साथी आफ्नो घडी फ्ल्यान्ट गरेको देखियो।

यसै क्रममा, एक तस्वीरमा रणवीर सिंह पनि शेरवानीमा आफ्नो नयाँ घडी फ्ल्यान्ट गरिरहेको देखिन्छ। अनन्त र राधिकाको विवाह १२ जुलाईमा भएको थियो। १३ जुलाईमा दुवैको शुभ आशीर्वाद समारोह आयोजना गरिएको थियो, जसमा प्रधानमन्त्री नरेन्द्र मोदीलगायत धेरै ठूला व्यक्तित्वहरूले भाग लिएका थिए। यस समारोहमा रवि किशन, चिराग पासवान र अन्य धेरै राजनीतिक दिग्गजहरू उपस्थित थिए। यस समारोहमा शाहरुख खान, सलमान खान, रणवीर सिंह, जान्हवी कपूर, अर्जुन कपूर, माधुरी दीक्षित, रणवीर कपुर, सञ्जय दत्त लगायत बलिउडका धेरै ठूला स्टारहरु सहभागी भएका थिए।