कोलकाता: यू आंग म्याइंग, उप-मन्त्री, परिवहन एवं संचारमन्त्रालय, म्यानमार एवं म्यानमार रेलवेका वरिष्ठ अधिकारीहरुले व्यापार सम्बन्ध अनि तकनीकी सहयोगलाई विस्तार दिने उद्देश्यद्वारा ब्रेथवेट एण्ड कम्पनी लिमिटेडमा भ्रमण गरे। मन्त्रीसँगै आएका प्रतिनिधिमण्डलमा महाप्रबन्धक (प्राविधिक तथा प्रशासनिक) यु टिन माउङ थान, उपमहाप्रबन्धक (सिभिल) यु विन मिन ऊ, उपमहाप्रबन्धक (सिभिल), यु मिन्ट नायिङ, उपमहाप्रबन्धक (मेकानिकल), यु तुन तुन उ, उपमहाप्रबन्धक (विद्युत), यू खिन माउङ ए र यू टिन्ट क्याङको उपस्थिति थियो।

ब्रेथवेट एण्ड कम्पनी लिमिटेडका अध्यक्ष तथा प्रबन्ध निर्देशक यतिश कुमार र वरिष्ठ अधिकारीहरूले प्रतिनिधिमण्डललाई स्वागत गरे। कर्पोरेट कार्यालयमा भएको बैठकमा बीसीएलका सीएमडी यतिश कुमारले कम्पनीको समृद्ध सम्पदा र कम्पनीको उत्पादन र वित्तीय कार्यसम्पादन, विविधीकरण र भविष्यको वृद्धि योजनाको सन्दर्भमा उल्लेखनीय वृद्धिको प्रदर्शन गरे। विगत चार-पाँच वर्षमा मात्रै ब्राथवेटले हासिल गरेका उपलब्धिहरूका लागि सामूहिक प्रयासको प्रशंसा गर्दै प्रतिनिधिमण्डल प्रभावित भयो। प्रतिनिधिमण्डलले रेलवे क्षेत्र, अनुसन्धान तथा विकास र तालिम जस्ता क्षेत्रमा ब्रेथवेट एण्ड कम्पनी लिमिटेडसँग साझेदारी गर्न चासो देखायो। उपमन्त्री यु. आङ म्युङले ब्रेथवेटले गरेको प्रगतिमा खुसी व्यक्त गर्दै म्यानमार रेलवे, सौर्य उर्जालगायतका परियोजनाहरूका लागि पूर्वाधार सुदृढ गर्ने प्रयासमा ब्रेथवेटको सहयोगको अपेक्षा गरे। उक्त अवसरमा ब्रेथवेट एण्ड कम्पनी लिमिटेडका निर्देशक (उत्पादन) सलिम जी. पुरुषोत्तमन, निर्देशक (अर्थ) कल्याणकुमार कोरी तथा वरिष्ठ अधिकारीहरुको उपस्थिति रहेको थियो।