न्यूयोर्क: उरुग्वेले आफ्नो विजयाभियान जारी राख्दै कोपा अमेरिका २०२४ फूटबल टुर्नामेण्टमा ग्रुप सी-बाट क्वार्टर फाइनलमा स्थान बनायो। यसरी ग्रुपबाट पनामाको टीम पनि अघि बढ़्न सफल भयो जबकि आयोजक अमेरिकाको यात्रा चाहिँ समाप्त भयो। मंगलवार बिहान खेलिएको म्याचमा उरुग्वेले अमेरिकालाई १-०-ले पराजित गऱ्यो। क्वार्टर फाइनलमा पुग्ने आशालाई जीवित राख्न जित्ने पर्ने यस म्याचमा अमेरिकाले लड़ाकू प्रदर्शन गरे पनि गोल हासिल गर्न सकेन। कानसास सिटीको एरोहेड स्टेडियममा ५१ प्रतिशत पोजेशनको साथ खेल्ने उरुग्वेबाट म्याचको एकमात्र गोल डिफेण्डर माथिआस ओलिभिएराले ६६औं मिनटमा गरे। यस ग्रुपको अन्य एउटा म्याचमा पनामाले बोलिभियालाई ३-१-ले पराजित गऱ्यो। म्याचमा ४८ प्रतिशत पोजेशनको साथ खेल्ने पनामालाई जोसे फाहार्दोले २२औं मिनटमा बढ़त दिलाए पनि ब्रूनो मिराण्डाले ६९औं मिनटमा गोल गरी स्कोर बराबरीमा पुऱ्याए। त्यसपछि पनामाले अन्तिम समयमा लगातार २ गोलको साथ म्याच जित्यो। यसमा एडुआर्डो गुरेरोले ७९औं र सेसार यानिसले इञ्ज्युरी टाइमको पहिलो मिनटमा गोल गरे। उरुग्वे ३ वटा म्याचमा ९ पोइण्ट्सको साथ ग्रुप विजेता बन्यो। यसरी पनामाले ६ पोइण्ट्सको साथ दोस्रो स्थानमा रहेर क्वार्टर फाइनलमा स्थान बनायो। बुधवार ग्रुप चरण (डी)-को अन्तिम दुईवटा म्याच खेलिनेछ, जसमा ब्राजीलले कोलम्बियाको सामना गर्नेछ। यसरी कोस्टा रिकाको भिड़न्त पाराग्वेसँग हुनेछ। दुवै म्याच बिहान ६:३० बजीदेखि शुरु हुनेछ।