मुम्बई: महाराष्ट्रको तटीय शहरको पानीले भिजेको सडकमा ८ फिट लामो गोहीको भिडियो सामाजिक सञ्जालमा भाइरल भएको छ। एक अधिकारीले भने कि भिडियोलाई एक अटोरिक्सा चालकले रत्नागिरी जिल्लाको चिपलुन शहरको चिंचनाका क्षेत्रमा लगातार वर्षाको बीचमा खिचेको हो। भिडियोमा हेडलाइट बालेर गोहीलाई पछ्याउने प्रयास गरेको अटोरिक्शालगायत अन्य केही सवारीसाधनहरू पनि देखाइएको छ। शिव वा वशिष्ठी नदीबाट गोही शहर आएको हुन सक्ने अधिकारीले बताएका छन्। धेरै दर्शकले गोहीको भिडियो बनाएर सामाजिक सञ्जालमा शेयर पनि गरेका छन्। घटना आइतबार राति भएको स्थानीयले बताएका छन्। यसको भिडियो अन्यले पनि सामाजिक सञ्जालमा शेयर गरेका छन्।रत्नागिरि मगर गोहीका लागि परिचित छ, जुन नुनपानी र घडी गोही बाहेक भारतमा पाइने तीन गोही प्रजाति मध्ये एक हो। रत्नागिरी जिल्लाका चिपलुनलगायत स्थानमा केही दिनयता लगातार वर्षा भइरहेको छ। अविरल वर्षाका कारण जिल्लाका खोलाको पानीको बहाव पनि बढेको छ। रत्नागिरी जिल्लामा असारसम्म वर्षा जारी रहने मौसम पूर्वानुमान महाशाखाले जनाएको छlयसअघि, यस्तै एउटा घटनामा, वडोदराका मानिसहरूले राज्यमा मनसुनको आगमनमा विश्वामित्री नदी नजिक सडकमा गोही देखेका थिए। वडोदराको विश्वामित्री नदीबाट १२ फिट लामो गोही निस्किएको थियो, जुन यस क्षेत्रमा मनसुनको मौसममा सामान्य मानिन्छ। लगत्तै यो गोहीलाई वन अधिकारीहरुले समातेर खोलामा छाडेका थिए।