सिलगढी: उत्तर बंगाल र सिक्किमको लाइफलाइन मानिने राष्ट्रिय राजमार्ग १० मा फेरि ठूलो पैह्रो गएको छ। २९ माइलदेखि ग्यालखोला बीचको सडक अवरुद्ध भएको छ। पहाडबाट ढुङ्गा सडकमा खसेकाले सवारी आवागमन पूर्णरुपमा ठप्प भएको छ। यससँगै अन्य धेरै ठाउँमा पनि सडकमा पानी जमिएको छ। जसका कारण राष्ट्रिय राजमार्ग पूर्ण रुपमा अवरुद्ध भएको छ। सवारीसाधन वैकल्पिक मार्गबाट ​​गुडेका छन्।

अविरल वर्षाका कारण राष्ट्रिय राजमार्ग १० मा बारम्बार पैह्रो खस्ने गरेको छ भने टिस्टा नदीले मुनिको जमिन खाँदै गएकोले राष्ट्रिय राजमार्ग–१० को केही खण्डमा क्षतिग्रस्त राजमार्ग मरम्मत गर्न थप चुनौतीपूर्ण बनेको छ उत्तर बंगालको सिलगढीबाट सिक्किमको गान्तोकसम्मको सडक अक्टोबर २०२३ मा आएको बाढीबाट एनएच-१० नराम्ररी प्रभावित भएको थियो। यस महिनाको शुरुमा भारी वर्षाका कारण धेरै ठाउँमा पैह्रो गएको रिपोर्ट आएको थियो। कालेबुङका एक वरिष्ठ अधिकारीले सिक्किममा जुनको दोस्रो हप्तामा भारी वर्षाका कारण आएको पैह्रोमा परी नौ जनाको ज्यान गएको छ भने उत्तर सिक्किममा करिब १,४०० पर्यटक फसेका छन्।