१२ अगस्त: टिस्टा खेलकुद समितिको तत्त्वावधानमा आयोजित इण्डिपेण्डेन्स डे ओपन फूटबल टुर्नामेण्ट २०२२-मा शुक्रवार खेलिएको दोस्रो सेमिफाइनलमा जीत हासिल गरी एसओटी टिस्टाले फाइनलमा स्थान बनायो । टिस्टा खेल मैदान (टिस्टा बजार, कालेबुङ)-मा आज भएको म्याचमा एसओटी टिस्टाले किर्ने एफसी-लाई ३-०-ले पराजित गऱ्यो। विजेता टीमबाट युवा फरवर्ड सौरभ तामाङले ह्याट्रिक गरे। अब १५ अगस्तको दिन खेलिने फाइनलमा एसओटी टिस्टा र लाञ्जिंग सेभेन तारखोलाबीच भिड़न्त हुनेछ । गत २५ जुलाईदेखि शुरु भएको यस सेभेन ए साइड फूटबल टुर्नामेण्टमा विजेता हुने टीमलाई ट्रफीको साथमा १ लाख रुपियाँको नगद पुरस्कार प्रदान गरिनेछ। यसरी नै उपविजेता हुने टीमलाई ट्रफीको साथमा ५० हजार रुपियाँको नगद पुरस्कार प्रदान गरिने आयोजक समितिको पक्षमा अजय कार्कीले जनाएका छन्।
About Author
Post Views: 258