जलपाईगढी: उत्तर बंगालमा वर्षाका कारण नदीमा पानीको बहाव लगातार बढिरहेको छ। जलपाईगढी सिंचाई विभागको बाढी नियन्त्रण कक्ष स्रोतका अनुसार बिहीबार बिहान १० बजे जलपाईगढी गजोल्डोबा टिस्टा ब्यारेजबाट १२३२.९४ क्युमेक पानी छोडिएको छ। जसका कारण नदीमा पानीको बहाव अझै बढेको छ। जलपाईगढी सिँचाइ विभागले मेखलीगञ्जदेखि बंगलादेशको सीमा असुरक्षित क्षेत्रमा रेड अलर्ट जारी गरेको छ। यसका साथै राष्ट्रिय राजमार्ग ३१ जलढाका नदीको तटीय क्षेत्रमा पनि पहेंलो चेतावनी जारी गरिएको छ। मौसम विभागका अनुसार उत्तरी बागनालमा पानी पर्ने क्रम जारी छ। जलपाईगढीमा बिहानैदेखि बादल लागेर हल्कादेखि मध्यम वर्षा शुरु भएको छ। उत्तर बंगालका विभिन्न स्थानमा हल्का वर्षा भइरहेको छ। -न्यूज एसिया