झापा (नेपाल): मोरङ र सुनसरी जिल्लाकाे सिमानामा पर्ने बुढीखोलाको बाढीले एकै परिवारका ४ जना बगाउँदा  १ जनाको मृत्यु भएको छ। घरबाट खाेलामा दाउरा टिप्न तथा माछा मार्न जाने  क्रममा  सुन्दरहरैंचा नगरपालिका ५ कि  फुदनी भन्ने २२ बर्षिय  प्रेमकला चौधरीको निधन  भएको हो।  बुढीखोलामा आएको बाढीले एकै परिवारका ४ जाना महिला बगाउँदा घटना भएको थियो।  बढीले बगाउँदा सो परिवारका  २ जना बेपत्ता छन्। बेपत्ता  हुनेमा  ६० वर्षीया काकी सासु असरादेवी चौधरी र  अन्दाजी २५ बर्षकी जेठी  बुहारी फुला चौधरी  रहेका छन। बाढीको भेलसँगै बेपत्ता हुने २ जनाको खोजी कार्य भइरहेको  पुलिसले उल्लेख गरेको छ। माइली बुहारी  २२ वर्षीया स्वस्तिका चौधरीलाई भने बाढीले बगाएको  बेला उद्वार गरि बचाइएको थियो। सुन्दरहरैँचा नगरपालिका ५ खोक्सीस्थित चौधरी परिवारमा अहिले ठूलो बज्रपात परेकोले पीडित परिवारलाई उद्धार र राहतको खाँचो परेको स्थानीयले बताएका छन्। खोलामा पानीको बहाब बढेकोले माछा मार्न तथा दाउरा टिप्न भनि नजान अनुरोध गरिएको छ।