गान्तोक: राज्यका शहरी विकास विकास विभागका सचिव एमटी शेर्पाको नेतृत्वमा हिजो एक टोलीले मार्तममा निर्माण भइरहेको बायोमाइनिङ कार्यको निरीक्षण गरे। यस अवसरमा प्रमुख मुख्य अभियन्ता, मुख्य अभियन्ता मिशन डायरेक्टर लगायत ग्रामीण विकास विभागका अधिकारीहरू पनि सामेल रहेका थिए। निरीक्षण गर्नुको मुख्य उद्देश्य अहिले भइरहेको कामको प्रगति अवलोकन गर्नुको साथै फोहोर व्यवस्थापन, व्यवस्थापनको प्रक्रिया र वैज्ञानिक ढङ्गले व्यवस्थापन नगर्दा निम्त्याउने जोखिमका विषयमा पदाधिकारीहरुलाई सचेत गराउनु थियो।

मार्तम ल्यान्डफिलमा बायोमाइनिङको काम शहरी विकास विभाग मार्फत राज्य सरकारको आदेशमा जनवरी २०२४ मा शुरू भएको हो। यद्यपि, बाढी, सडक बन्द र प्रतिकूल मौसम अवस्था जस्ता विभिन्न अवरोधहरूको बाबजुद पनि काम सन्तोषजनक रूपमा अघि बढिरहेको छ। सरकारले ल्यान्डफिलमा पाइने पुराना फोहोरको भण्डार उत्खनन, अलग गर्न र प्रशोधन गर्न जैविक विधिहरू प्रयोग गर्ने कठिन प्रक्रिया समावेश गरी राज्यले आफ्नो प्रकारले पहिलो पल्ट फोहोर व्यवस्थापनबारे पहल शुरू गरेको हो।