ग्वालपाड़ा (असम): ग्वालपाड़ा जिल्लाको रंगजुली थाना अन्तर्गत दरंगिरी कासादल डाल क्षेत्रमा एउटा एम्बुलेन्स दुर्घटनाग्रस्त भयो जसमा एम्बुलेन्स सवार एक महिलाको घटनास्थलमै मृत्यु भयो भने तीनजना मानिसहरू गम्भीर रूपमा घाइते भएका छन्।

पुलिसले बिहीवार बतायो, गुवाहाटी तर्फ गइरहेको एम्बुलेन्स राष्ट्रिय राजमार्ग-१७ मा अनियन्त्रित भएर पुलको रेलिंगसित ठोक्कियो। त्यसपछि एम्बुलेन्स पानीमा पल्टियो। यस घटनामा एकजना महिलाको घटनास्थलमै मृत्यु भयो र अन्य तीनजना गम्भीर रूपमा घाइते भए।

घटनाको खबर पाए लगत्तै घटनास्थलमा पुगेको पुलिसको टीमले गम्भीर रूपमा घाइते सबै मानिसहरूलाई उपचारको निम्ति दुधनै र रंगजुली अस्पतालमा पठाइदियो भने मृत महिलाको शवलाई कब्जामा लिएर पोस्टमर्टम गर्न अस्पतालमा पठाइदिएको छ।