कोचबिहार: विश्व हिन्दू परिषद कोचबिहार शाखाले जम्मू कश्मीरमा तीर्थयात्रीहरूमा भएको आतंकवादी हमलाको विरोधमा पथ बैठक आयोजना गर्‍यो। कोचबिहारको घासबजार मोरमा आयोजित यो सभामा ठूलो संख्यामा मानिसहरू सहभागी भएका थिए। यस सम्बन्धमा विश्व हिन्दू परिषदको तर्फबाट सुकुमार भट्टाचार्यले जून ९ मा जम्मू कश्मीरमा पाकिस्तानी आतंकवादीले तीर्थयात्रीमाथि गरेको आक्रमणमा दुई वर्षका बालकसहित १० तीर्थयात्रीको मृत्यु भएको बताए। उनले भने, ‘आजको पथबैठक त्यो घटनाको विरोधमा हो। हामी भारत सरकारलाई पाकिस्तानको यो नापाक कार्यको उचित जवाफ दिन अनुरोध गर्दछौं।‘ यससँगै उनले बैठकपछि राष्ट्रपतिलाई जवाफी कारबाही गर्न माग गर्दै पत्र लेख्ने बताए।