ब्लान्टायर: मलावीका उपराष्ट्रपति र नौ जनाको ब्लान्टायर (मालावी)मा विमान दुर्घटनाग्रस्त मृत्यु भएको छ। चिलिमा उडेको सैनिक विमानको भग्नावशेष देशको उत्तरी पहाडी क्षेत्रमा भेटिएको देशका राष्ट्रपति लाजरस चकवेराले मंगलबार जानकारी दिएका छन्। एक दिनभन्दा बढी लामो खोजीपछि विमानको भग्नावशेष फेला परेको छ। राष्ट्रपति चकवेराले सरकारी टेलिभिजनमा दुर्घटनामा कोही पनि जीवित नरहेको बताए। उपराष्ट्रपति चिलिमा र अन्य आठ जना सवार विमान सोमबार बिहान ९:१७ मा दक्षिणी अफ्रिकी देशको राजधानी लिलोङवेबाट उडेको थियोl करिब ४५ मिनटपछि राजधानीबाट ३७० किलोमिटर टाढा रहेको मजुजु अन्तर्राष्ट्रिय विमानस्थलमा अवतरण गर्ने थियो। राष्ट्रपतिले एयर ट्राफिक नियन्त्रकहरूले खराब मौसमका कारण विमानलाई मजुजु विमानस्थलमा अवतरण गर्ने प्रयास नगर्न र लिलोङ्वे फर्कन भनेका थिए। यसपछि एयर ट्राफिक कन्ट्रोलरको विमानसँग सम्पर्क बिच्छेद भयो र विमान रडारबाट गायब भएको थियो। विमानमा सात यात्रु र तीन सैनिक चालक दलका सदस्य थिए।