बूढानिलकंठ(काठमांडू): तीनकुनेस्थित एक स्टोरमा आगलागी हुँदा २ जना घाइते भएका छन् ।घाइते हुनेहरुमा धनुषा घर भई कालिमाटी बस्दै आएका २३ वर्षीय बिक्कर लामा र भक्तपुरको सूर्यविनायक–६ घर भएका २८ वर्षीय उदय श्रेष्ठ छन्। उनीहरु दुबै जना स्टोरमा काम गर्ने व्यक्ति रहेको जिल्ला पुलिस परिसर काठमांडूका एसपी तथा प्रवक्ता नवराज अधिकारीले बताए। घाइते दुबै जनाको अवस्था सामान्य रहेको र उनीहरुको तीनकुनेकै कान्तिपुर अस्पतालमा उपचार भइरहेको एसपी अधिकारीले बताए।जीवन रेग्मीको पाँच तले घरको अन्डरग्राउण्डमा दिलिप कुमार साहले सञ्चालन गरेको ‘गु्रप अन ट्रेडिङ डिलर’मा आगलागी भएको हो। पुलिस , नेपाली सेना, सशस्त्र पुलिस र स्थानीयको सहयोगमा आगो नियन्त्रण भएको छ।