नयाँ दिल्ली: लोकसभा चुनाव २०२४ को आम चुनावमा भारतीय जनता पार्टी (भाजपा)लाई उत्तर प्रदेशको अमेठी लोकसभा सिटबाट ठूलो झट्का लागेको छ। यस सिटबाट भाजपा नेता तथा टीभी अभिनेत्री स्मृति इरानी चुनाव हारेकी छिन्। कांग्रेस उम्मेदवार केएल शर्माले उनलाई १ लाख ६७ हजार १९६ मतले पराजित गरेका छन्। स्मृति इरानीको यो पराजयपछि सर्वात्रै चर्चामा छ। यसबाट स्मृति इरानी आफैं दुखी छिन् र सामाजिक सञ्जालमा एक पोस्ट सेयर गरेकी छिन्। जसमा सबै बलिउड स्टारहरुले उनलाई कमेन्ट गर्दै समर्थन गरिरहेका छन्। टीभी सिरियल ‘क्यूंकी सास भी कभी बहू थी’बाट फ्यानहरूको मनमा विशेष स्थान बनाएकी अभिनेत्री स्मृति इरानीले राजनीतिमा प्रभावकारी प्रवेश गरेकी हुन्। तर २०२४ को लोकसभा चुनावमा उनको भाग्य चम्किएन र उनले आफ्नो संसदीय सीट अमेठी गुमाइन्। ‘हामी सधैं तपाईको साथमा छौं’, कमेन्टहरूमा यसो भनिएको छ। अर्कोतर्फ, अभिनेता सोनू सूदले पनि हार्ट इमोजीको साथ आफ्नो पक्षमा व्यक्त गरेका छन्। यसबाहेक टीभी अभिनेत्री पूजा ब्यानर्जीले पनि लेखेकी छिन्, ‘मेहनतले सधैं फल दिन्छ, म्याडम, चिन्ता नलिनुहोस्, हामी सबै तपाईको साथमा छौँ।‘ यसरी सबै स्टार र फ्यानहरूले स्मृति इरानीलाई समर्थन गरिरहेका छन्। यसअघि गत लोकसभा चुनावमा स्मृति इरानीले ठूलो फेरबदल गरेर समाचारको शीर्ष स्थानमा छाएकी थिइन्। सन् २०१९ मा स्मृतिले अमेठी लोकसभा सीटबाट कांग्रेस नेता राहुल गान्धीलाई पराजित गरेकी थिइन्।