म्याच रद्द हुँदा ईंग्ल्याण्डलाई नोक्सान

डलास: आईसीसी टी२० वर्ल्ड कपमा नेपालले पहिलो म्याचमै निराशाजनक हारको सामना गर्नु पऱ्यो। मंगलवार राति खेलिएको ग्रुप डी-को म्याचमा नीदरल्याण्डले नेपाललाई ६ विकेटले पराजित गऱ्यो। म्याचमा टस हारेर पहिला ब्याटिंग गर्ने नेपालको टीम १९.२ ओभरमा केवल १०६ रन बनाएर अलआउट भयो। मंगोलिया र हंगकंग जस्तो दुर्बल टीमहरू विरुद्ध रेकर्डको वर्षा गर्ने नेपालको टीम नीदरल्याण्ड विरुद्ध लम्पसार पऱ्यो। नेपालका केवल ४ जना ब्याटरले १० भन्दा अधिकको स्कोर बनाए। यसमा कप्तान रोहित पौड़ेलले सर्वाधिक ३५ रन बनाए। करण केसी-ले १७ रनको योगदान दिए। दुर्बल प्रतिद्वन्द्वी टीमहरू विरुद्ध छक्का र चौकाको वर्षा गर्ने दिपेन्द्र सिंह ऐरी केवल १ रन बनाएर आउट भए।

नीदरल्याण्डका बलरहरूमा टिम प्रिंगल र लोगान वान बीकले ३-३ विकेट लिए। यसबाहेक पल वान मीकेरन र बास डी लीडले २-२ विकेट हासिल गरे। त्यसपछि नीदरल्याण्डले १८.४ ओभरमा ४ विकेटमा १०९ रन बनाएर म्याच जित्यो। ओपनर म्याक्स ओडडले सर्वाधिक ५४ रन बनाए। उनले ४८ बल खेलेर ४ वटा चौका र एउटा छक्का लगाए। विक्रमजीत सिंहले २२ रनको योगदान दिए।

यसरी ईंग्ल्याण्ड र स्कटल्याण्डबीच खेलिएको ग्रुप बी-को म्याच वर्षाले गर्दा रद्द भयो। वर्षाले गर्दा म्याच ढिलो गरी शुरु भयो। स्कटल्याण्डले टस जितेर पहिला ब्याटिंग शुरु गरेको केही बेरपछि फेरि वर्षा शुरु हुँदा म्याच १०-१० ओभरको गरियो। स्कटल्याण्डले १० ओभरमा कुनै विकेट नगुमाइ ९० रन बनायो। माइकल जोन्सले अविजित ४५ र जर्ज मुन्सेले अविजित ४१ रन बनाए। जोन्सले ३० बल खेलेर ४ वटा चौका र २ वटा छक्का लगाए। मुन्सेले पनि ३१ बल खेलेर ४ वटा चौका र २ वटा छक्का लगाए। त्यसपछि ईंग्ल्याण्डलाई डकवर्थ-लुईस नियमहरू अनुसार जीतको निम्ति १० ओभरमा १०९ रन बनाउने लक्ष्य प्राप्त भयो। ईंग्ल्याण्डले ब्याटिंग शुरु गर्न अघि नै वर्षा शुरु हुँदा म्याच रद्द गरियो।