सिलगढी: पछिल्ला केही दिनमा विपक्षी दलहरूले यसलाई मुद्दा बनाएर सिलगढी नगरपालिकालाई घेरा हालेर खानेपानी सेवा बन्द गरेको विषयमा मेयरको चर्को विरोध गरेका थिए। यसै क्रममा शनिबार भाजपा महिला मोर्चाले सिलगढी नगरपालिकाको घेराबन्दी अभियान सञ्चालन गरेको थियो। जसका कारण भाजपा कार्यकर्ताले नगरपालिका अगाडि चर्को विरोध प्रदर्शन गरेका थिए ।सो क्रममा भाजपा र पुलिसबीच भीषण झडप भएको थियो। त्यहाँबाट पुलिसले भाजपा महिला मोर्चा र युवा मोर्चाका केही सदस्यलाई नियन्त्रणमा लिएको छ। जसको विरोधमा शनिबार साँझ भाजपा युवा मोर्चाले सिलगढी पुलिस थाना घेराएर विरोध प्रदर्शन गरेको थियो। सो क्रममा भाजपा कार्यकर्ताको प्रदर्शन हिंसात्मक बनेपछि पुलिसले कडा कारबाही गर्नुपरेको थियो। पुलिसले लाठीचार्ज समेत गर्नुपरेको थियो। सो क्रममा सिलगढी थानाका आईसी प्रसन्जीत विश्वास घाइते भएका थिए। त्यसपछि पुलिसले सिलगढी संगठन जिल्ला भाजपा युवा अध्यक्ष अरिजित दास सहित कुल ५ कार्यकर्तालाई गिरफ्तार गरी विभिन्न धाराहरू अन्तर्गत मुद्दा दर्ता गरी आज सिलगढी अदालतमा पेश गर्‍यो, जहाँ सुनुवाई पछि न्यायाधीशले भाजपाका पाँच कार्यकर्तालाई जमानत दिए। जेलबाट रिहा भएपछि भाजपा कार्यकर्ताले अदालतमा स्वागत गरेका थिए।