जलपाईगुडी: जंगली हात्तीको हिंसाबाट दिक्क भएर गाउँलेहरुले सडक अवरुद्ध गरेका छन्। यो घटना जलपाईगुडी सदर ब्लक अन्तर्गत बरोपटिया ग्राम पंचायतको नाथुआचारमा भएको हो। आज स्थानीयले बोडागञ्ज–गाजोल्डोबा सडक अवरुद्ध गरेर विरोध प्रदर्शन गरेका छन्। बैकुन्ठपुर वनसँगै नाथुछारलगायत टिस्टा नदीको किनारमा धेरै गाउँहरू छन्। जहाँ बासिन्दाको पेसा तरकारी खेती हो। उनले यो सिजनमा विभिन्न प्रकारका तरकारी खेती समेत गरेका छन्। तर हरेक दिन हात्तीको बथान आएर तरकारी खेती नष्ट गर्छ। हात्तीको आक्रमण वर्षभरि नै रहन्छ ।त्यसैले गाउँलेहरुले सडकमा आगो लगाएर सडक अवरुद्ध गरेका थिए। सडक अवरुद्ध हुँदा सो क्षेत्रमा ट्राफिक जामको समस्या देखिएको छ। वनकर्मी घटनास्थल पुगेपछि उनीहरुलाई पनि रोकिएको थियो। जङ्गलबाट दैनिक हात्तीको बथान आएर खेतमा बाली नष्ट गर्ने गाउँलेको आरोप छ। हात्तीको आक्रमणबाट मानिसको घरमा समेत क्षति पुगेको छ। तर वनका कर्मचारीले उक्त क्षेत्रमा गस्ती गरेका छैनन्। जंगलमा हात्तीको बथान फिर्ता गर्न पहल भइरहेको छैन।बोलाए पनि वनकर्मी नआएको गाउँलेको गुनासो छ। यसैबीच घटनाको खबर पाएलगत्तै बेलकोभा रेन्ज अफिसर चिरञ्जित पाल घटनास्थल पुगेका थिए। उनले स्थानीय जनताको सहयोगमा गस्ती बढाउने आश्वासन पनि दिए। उनले जंगलको छेउमा फेन्सिङ जडान गर्न पहल गर्ने आश्वासन पनि दिए। त्यसपछि गाउँलेहरूले सडक अवरुद्ध हटाएका थिए।