सिलगढी: सिलगढीको देविडाँगामा एक युवकको हत्याको आरोपमा प्रधाननगर पुलिस थानाले चार जनालाई पक्राउ गरेको छ। आत्महत्याको लागि उक्साएको आरोपमा पुलिसले मृतकको प्रेमिकासमेत उसकी आमा, बुबा र बहिनीलाई पक्राउ गरेको छ। आज प्रेमिकाको आमा, बुबा र बहिनीलाई सिलगढी अदालतमा पेश गरियो। तर, मृतक युवककी प्रेमिका बालिका भएका हुनाले उनलाई बाल अदालतमा पेश गरिने छ। हाल उनलाई घरमै राखिएको छ। बुधबार बिहान बप्पा बर्मन नामका युवकको झुण्डिएको शव भेटिएको थियो। सोही क्षेत्रका एक व्यक्तिका शर्माकी छोरीसँग बप्पा बर्मनले मंगलबार मिलनमोड क्षेत्रमा प्रेम सम्बन्ध राखेपछि दुवैबीच झगडा भएको थियोl यसैबीच बाप्पाकी प्रेमिका र उनका बाबुले सोही रात देविडाँगा मैदानमा बाप्पालाई कुटपिट गरेको आरोप छ। यो अपमान सहन नसकेर युवकले आत्महत्या गरेको आरोप लागेपछि मृतकका परिवारले प्रेमिकाकी छोरीलाई पक्राउ गर्न माग गर्दै प्रदर्शन गरेका थिए। पुलिस घटनास्थलमा पुगेर उनीहरूलाई पुलिस भ्यानमा राख्दा आक्रोशित भीडले पुलिस भ्यानमा ढुंगामुढा गर्न थालेपछि केही पुलिस घाइते भए। पछि स्थितिलाई सम्हाल्न आरएएफ खटाइयो, तर पछि स्थिति शान्त भयोl –न्यूज एसिया