सुरुबुरू जसरी भए’नि जीवन चलेकै छ

थोरै खुशीले पनि जीवन-दीयो बलेकै छ

सन्तोषम् परम् सुखम् भनिन्छ शास्त्रमा

असन्तोषी जीवन हेर लोभले गलेकै  छ

अन्तिम यात्रामा पैसा हैन मान्छे चाहिन्छ

जस्तै धनाढ्यलाई पनि कालले छलेकै छ

अहंकार गरेर के गर्नु धन, बल र बुद्धिको

आखिर सबैसबै एउटै चितामा जलेकै छ

सत्ता, शक्ति र अभिमान केही  स्थायी हैन

मै हूँ भन्नेको सत्ता पनि आखिर ढलेकै छ

समय नै हो सबैभन्दा बलवान यति बुझ्नु

समय अनुसार नै वृक्षमा फल फलेकै  छll